უსაფრთხო წვდომა პერსონალურ მონაცემებთან

თანამედროვე ციფრული გარემო ბანკებისგან განსაკუთრებულ ყურადღებას მოითხოვს კლიენტების პერსონალური მონაცემების დაცვასთან დაკავშირებით. პაროლებზე დაფუძნებული აუტენტიფიკაციის სისტემები დღითიდღე ნაკლებად ეფექტიანი ხდება — მარტივად არის შესაძლებელი, რომ დაირღვეს და ხშირად სწორედ, რომ არასწორი ან მოპარული წვდომის შედეგად ხდება მომხმარებლის ინფორმაციის გაჟონვა.

ამ ფონზე, ბიომეტრიული აუტენტიფიკაცია ხდება ერთ-ერთი ყველაზე მოთხოვნადი და სანდო საშუალება. მისი გამოყენება მნიშვნელოვნად ამცირებს არავიზუალური წვდომის რისკებს, აუმჯობესებს მომხმარებლის გამოცდილებას და უწყობს ფეხს თანამედროვე კიბერუსაფრთხოების სტანდარტებს. ბიომეტრია უკვე ფართოდ გამოიყენება საფინანსო სექტორში, როგორც პასუხი მონაცემთა დაცვის თანამედროვე გამოწვევებზე.

მომხმარებელთა აუტენტიფიკაციის ერთ-ერთ ყველაზე საიმედო მეთოდს წარმოადგენს ბიომეტრია. ბიომეტრიული მონაცემების გაყალბება, მოპარვა ან რაიმე სხვა საშუალებით მათი გამოყენება შეუძლებელია მათი მფლობელისგან დაუკითხავად. ბიომეტრიული მონაცემების გამოყენება აუტენტიფიკაციისთვის თვითმომსახურების მოწყობილობებზე უზრუნველყოფს უსაფრთხოების მაღალ დონეს ოპერაციის ჩატარებისას, ათავისუფლებს მომხმარებლებს თან იქონიონ ნაღდი ფულადი სახსრები, ახსოვდეთ პაროლები და ბარათის PIN-კოდი და სხვა. რაც საბოლოო ჯამში ამცირებს ოპერაციის ჩატარების დროს.

კორპორატიული მონაცემებისა და სისტემების დაცვა

შიდა თაღლითობისა და თანამშრომელთა ანგარიშებით მონაცემებზე არაუფლებამოსილი წვდომის პრობლემა ფინანსურ ინსტიტუტებს მთელ მსოფლიოში აწუხებს. ბანკები ეძებენ გადაწყვეტილებებს, რომლებიც მათ შიდა მონაცემთა ინფრასტრუქტურას დაიცავს და სულ უფრო მეტად ირჩევენ ბიომეტრიულ ტექნოლოგიებს. დღეს, საბანკო სექტორში გამოყენებული ყველა ბიომეტრიული სისტემის დაახლოებით 30% კორპორატიული მიზნებისთვის გამოიყენება.

ბიომეტრიული ტექნოლოგია თანამშრომელთა ავტორიზაციისთვის უზრუნველყოფს მონაცემთა უსაფრთხოების და მგრძნობიარე ინფორმაციის წვდომის კონტროლის საჭირო დონეს, ასევე ქმნის ფართო შესაძლებლობებს ფინანსური ინსტიტუტის თანამშრომლების საქმიანობის მონიტორინგისთვის.

KYC პოლიტიკის დაცვა

დღეს KYC პოლიტიკის დაცვა (ინგლ. Know your customer — «იცნობდე შენს მომხმარებელს») წარმოადგენს რეგულატორის ერთ – ერთ მოთხოვნას და ფინანსური საქმიანობის განხორციელების პირობას რიგ ქვეყნებში, რადგანაც ეწინააღმდეგება ფულის გათეთრებას, ტერორიზმის დაფინანსებას, და გადასახადების გადახდისგან თავის არიდებას.

სპეციალიზებული პროგრამული გადაწყვეტილების გამოყენება, რომელიც უზრუნველყოფს მომხმარებლების ვერიფიკაციასა და აუტენტიფიკაციას ბიომეტრიული მონაცემების დახმარებით იძლევა არამარტო KYC მოთხოვნების დაცვის საშუალებას, არამედ უზრუნველყოფს ფინანსური ოპერაციების ჩატარების უსაფრთხოების მაღალ დონეს.