ბიომეტრიული ტექნოლოგიები საფინანსო სექტორისთვის

ბიომეტრიული ტექნოლოგიების პოპულარობა მთელს მსოფლიოში ყოველწლიურად იზრდება . ანალიტიკოსების პროგნოზების თანახმად, ბიომეტრიული სისტემების მსოფლიო ბაზარი გაიზრდება $2 359,7 მლნ. დან $15 145,5 მლნ.მდე 2025 წლისთვის. ბიომეტრია მეტად მოთხოვნადი გახდა სამთავრობო და ფინანსურ სექტორში, თავდაცვაში, ჯანდაცვასა და რითეილში. ამასთან, სააგენტო FindBiometrics პროგნოზებით, უახლოეს წლებში ბიომეტრიული სისტემების ბაზარი მეტად აქტიურად განვითარდება სწორედ კომერციულ სეგმენტში.

ჯერ კიდევ რამოდენიმე წლის წინ ახალი კლიენტების მოსაზიდად ბანკებისთვის საკმარისი იყო შეეთავაზებინათ მათთვის უფრო იაფი პროდუქტები და მომსახურება. დღესგარემოება სწრაფად იცვლება: მომხმარებლები, უპირატესობას ანიჭებენ კომფორტს და საიმედოობას. ერთ-ერთ მნიშვნელოვან ინსტრუმენტად, რომელიც საჭიროა მომხმარებელზე ორიენტირებული კონცეპციის რეალიზაციისთვის, გვევლინება ბიომეტრიული ტექნოლოგიები, რომელიც იძლევა არამარტო ფინანსური ოპერაციების საიმედო უსაფრთხოების დონის უზრუნველყოფის საშუალებას, არამედ შეუძლია დააჩქაროს კლიენტთა მომსახურების პროცესი, როგორც ტრადიციულ განყოფილებებში, ასევე მომსახურების დისტანციური არხების მეშვეობით.

ბიომეტრიული მონაცემების ყველაზე გავრცელებულ სახეებს, გამოყენულს ფინანსურ სექტორში, მიეკუთვნება სახის გამოსახულება, თითის ანაბეჭდი, ხელის გეომეტრია და თვალის ფერადი გარსის სურათი. ეს მონაცემები შეიძლება გამოყენებულ იქნას კლიენტების იდენტიფიკაციისთვის ონლაინ ბანკინგში, ფინანსურ მომსახურებებზე წვდომის უზრუნველყოფისას თვითმომსახურების მოწყობილობებზე და საბანკო განყოფილებებში, და ასევე საბანკო დანაყოფებთან წვდომის უზრუნველყოფისთვის. ყველაზე მეტად პოპულარულია საბანკო სექტორში ორფაქტორიანი აუტენტიფიკაცია PIN-კოდის ან ერთჯერადი პაროლისა და ბიომეტრიის გამოყენებით, რომელიც იძლევა მონაცემთა უსაფრთხოების უმაღლესი დონის უზრუნველყოფის საშუალებას და მათზე წვდომის კონტროლს.