«Trastbank» BS/2 bilan hamkorlikda o‘z-o‘ziga xizmat ko‘rsatish qurilmalarining funksional imkoniyatlarini kengaytirmoqda

O‘zbekistonning yirik xususiy banklaridan biri bo‘lgan «Trastbank» bankomatlar parkini modernizatsiya qilish uchun strategik hamkor sifatida Penki Kontinentai Group tarkibiga kiruvchi BS/2 kompaniyasini tanladi. 2024 yil 12 iyun kuni Penki Kontinentai Group boshqaruvi raisi Idrakas Dadashovas va XATB «Trastbank» boshqaruvi raisining o‘rinbosari Ziyovuddin Qurganovlar strategik hamkorlik memorandumini imzoladilar.

BS/2 bilan tuzilgan kelishuv «Trastbank» mijozlari uchun katta afzalliklar keltiradi, ularga zamonaviy va qulay bank xizmatlariga kengroq kirishni ta’minlaydi. Bankomatlar tarmog‘ini kengaytirish, qurilmalarning funksional imkoniyatlarini oshirish va yuqori darajadagi xavfsizlikni ta’minlash «Trastbank» xizmatlarini yanada samarali va ishonchli qiladi.

2023 yilda «Trastbank» dunyoning yetakchi kompaniyalaridan biri Diebold Nixdorf tomonidan ishlab chiqarilgan ko‘p funksiyali bankomatlarning birinchi partiyasini buyurtma qildi. DN Series™ 200H modelidagi yuzta qurilma allaqachon o‘rnatilib, ulab berilgan va O‘zbekiston Respublikasidagi barcha bank filiallarida mijozlarga xizmat ko‘rsatmoqda. Ushbu bankomatlar UZCARD, HUMO, VISA, MasterCard va boshqa xalqaro to‘lov tizimlari kartalarini qabul qilib, asosiy funksiyalarni – naqd pul chiqarish va hisobni to‘ldirishni ta’minlaydi.

BS/2 kompaniyasining dasturiy yechimlari tufayli Diebold Nixdorf o‘z-o‘ziga xizmat ko‘rsatish qurilmalari AQSh dollarini o‘zbek so‘miga almashtirish imkonini ham beradi. Bankomatlar xorijiy valyuta bilan Payment.iQᴺᴳ tizimi va uning FCX.iQ modulini o‘rnatish orqali ishlaydi. «Trastbank» va BS/2ning qo‘shma rejasi yaqin orada tadbirkorlar uchun yana bir foydali funksiyani ishga tushirishni nazarda tutadi. 2024 yil oxiriga qadar bankomatlar kichik va o‘rta biznes segmentidagi mijozlarning tushumlarini qabul qila oladi.

Bank o‘z-o‘ziga xizmat ko‘rsatish qurilmalarini boshqarish uchun zamonaviy dasturiy yechimlarni ham joriy qildi. Ular orasida kompleks xavfsizlik tizimi va ATMeye.iQᴺᴳ foydalanuvchi murojaatlari yechimlari, bankomatlar texnik monitoringi va boshqaruv tizimi Vynamic View hamda elektron qulf S&G A-Series asosidagi ATM seyflariga jismoniy kirishni nazorat qilish tizimi mavjud.

Ushbu kompleks loyihaning amalga oshirilishi bankka bankomatlar parkini samarali boshqarish va mijozlarga xizmat ko‘rsatish sifatini oshirish uchun eng zamonaviy texnologik vositalarni olish imkonini berdi. Natijada «Trastbank» o‘z-o‘ziga xizmat ko‘rsatish bank kanalini rivojlantirish strategiyasini tezlashtirdi va qo‘shimcha ravishda yuzta Diebold Nixdorf bankomatini (DN Series™ 200V modeli) buyurtma qildi.

Bankomatlar-retsayklerlarning eng yangi modelini tanlash yaxshilangan sig‘im (17 500 banknotagacha) va ko‘proq nominallarning mavjudligini ta’minlash imkoniyatlari bilan bog‘liq.

Biz BS/2ni bank texnologiyalari va bankomatlarga xizmat ko‘rsatish bo‘yicha hamkor sifatida bir qator muhim sabablar tufayli tanladik. Avvalo, kompaniya 30 yildan ortiq vaqt mobaynida bozorida faoliyat yuritib kelmoqda va o‘zini ishonchli va malakali dasturiy yechimlar ishlab chiqaruvchi hamda bank sohasiga uskunalar yetkazib beruvchi sifatida namoyon etgan, – deydi Ziyovuddin Qurganov, XATB «Trastbank» boshqaruvi raisining o‘rinbosari. – Biz uchun muhim bo‘lgani, hamkorimiz doimiy ravishda o‘z yechimlarini takomillashtirib boradi, ATM funksionalligini yaxshilaydi, jumladan kreditlarni to‘lash va yuridik shaxslar uchun naqd pul inkassatsiyasini amalga oshirish imkoniyatlarini qo‘shadi. Bu BS/2 dasturiy mahsulotlarini bizning mijozlarimiz uchun ayniqsa qimmatli qiladi.BS/2ning 80 ta mamlakatda faoliyat yuritishi yuqori xalqaro standartlarga mos kelishini ko‘rsatadi. Kompaniya Diebold Nixdorfning rasmiy hamkori bo‘lib, uning qurilmalari eng yuqori xavfsizlik va sifat talablarga javob beradi. Bizning strategik hamkorimiz shuningdek, ATM parkini monitoring qilish tizimining to‘g‘ri ishlashini ta’minlaydi, yuqori sifatli xizmat va texnik qo‘llab-quvvatlashni taqdim etadi. Kompaniya mutaxassislari muntazam ravishda maslahat beradilar, o‘qitishadi va IT xizmatlarni autsorsing qilib taklif qilishadi, bu esa bizning ishimizni ancha soddalashtiradi. Barcha ushbu omillar BS/2 bilan hamkorlikni «Trastbank» uchun strategik muhim va o‘z-o‘zini oqlovchi tanlov qiladi.

«Trastbank» va BS/2 kompaniyasining qo‘shma strategik rejasi butun O‘zbekiston Respublikasi bo‘ylab mijozlarga yagona raqamli xizmat ko‘rsatish ekotizimiga ATM parkini integratsiyalash va bank xizmatlarining kirish imkoniyatlarini oshirishni nazarda tutadi.

Ma’lumot uchun:
Xususiy aksiyadorlik tijorat banki «Trastbank» 1994 yilda tashkil etilgan bo‘lib, O‘zbekiston Respublikasining yetakchi banklaridan biri hisoblanadi. Bank barcha turdagi bank mahsulotlari va xizmatlarini taqdim etadi.

BS/2 xalqaro Penki Kontinentai guruhining bir qismidir. Kompaniya 30 yildan ortiq vaqt mobaynida banklar, moliya muassasalari va savdo-xizmat korxonalari uchun maxsus dasturiy ta’minot va texnologik yechimlarni yaratib, yetkazib beradi, shuningdek, konsalting va autsorsing xizmatlarini taqdim etadi. BS/2 Sharqiy Yevropa, Markaziy Osiyo va Kavkazda bank uskunalarining dunyodagi eng yirik ishlab chiqaruvchisi Diebold Nixdorfning rasmiy vakili hisoblanadi.