O'z-o'ziga xizmat ko'rsatish qurilmalarining ishlashini nazorat qilish

O’z-o’ziga xizmat ko’rsatish qurilmalari to’xtab qolishining har bir daqiqasi bank uchun moliyaviy va obro’ yo’qotishni anglatadi. Terminallar ishini real vaqt rejimida har tomonlama nazorat qilish terminallar tarmog‘ini boshqarish va texnik xizmat ko‘rsatish xarajatlarini sezilarli darajada kamaytiradi, terminallarning ishlamay qolish vaqtini qisqartiradi, turli texnik muammolarni o‘z vaqtida aniqlash, cheklash va hal qilishga yordam beradi. Bularning barchasi moliya tashkilotiga o’z-o’ziga xizmat ko’rsatish qurilmalari tarmog’ining samaradorligi va rentabelligini oshirish imkonini beradi. 

Terminallarning dasturiy ta'minotini avtomatik boshqarish

Har safar bankomat ishlamay qolganda yoki u yoki bu sabablarga ko’ra ishini to’xtatganda, terminal tarmog’ining egasi buzilish sababini aniqlash va bartaraf etish uchun qurilmaga xizmat ko’rsatish xodimlarini yuborishga majbur bo’ladi.

Ixtisoslashtirilgan dasturiy ta’minot nafaqat o’z-o’ziga xizmat ko’rsatadigan qurilmalarning ishlashini masofadan diagnostika qilish, balki qurilmalarning ayrim guruhlari uchun yangilanish paketlarini rejalashtirish va avtomatik ravishda ishga tushirish, zarur holllarda terminallarni qayta ishga tushirish imkonini beradi. Shuningdek, u dasturiy ta’minot ishi bilan bog’liq ko’pgina noxush hodisalarning sabablarini topish va ularni masofadan turib hal qilish imkonini beradi, bu esa qurilmaga texnik xizmat ko’rsatish xarajatlarini sezilarli darajada kamaytiradi.

O'z-o'ziga xizmat ko'rsatish qurilmasi xavfsizligi

Bankomatlar va bankning boshqa o’z-o’ziga xizmat ko’rsatadigan qurilmalari doimo firibgarlar va bosqinchilarning e’tiborini tortadi. Bankomatlarga uyushtiriladigan mantiqiy va jismoniy hujumlar soni yil sayin ortib bormoqda, banklar o’z terminal tarmoqlari xavfsizligini ta’minlash uchun katta mablag‘ sarflashga majbur.

O‘z-o‘ziga xizmat ko‘rsatish qurilmalari holatini real vaqt rejimida kuzatish va ularning ishlashini masofadan boshqarish terminal xavfsizligining yuqori darajada bo’lishini ta’minlaydi va ularni bir qator firibgarlik harakatlaridan himoya qiladi. Shunday qilib, ixtisoslashtirilgan dasturiy ta’minot nafaqat terminallarga antivirus dasturlarini masofadan o’rnatish va yangilash, balki buzib kirish tahdidi yuzaga kelganda, tegishli stsenariy bo’yicha terminalni o’chirib qo’yish imkonini beradi.

Terminal qurilmalari parkiga texnik xizmat ko'rsatish

PCI DSS to’lov kartalari sanoatining ma’lumotlar xavfsizligi standarti hodisalarning elektron jurnallari (logs) qayd etilishini, saqlanishini va rad qilingan talablar yoki shubhali hodisalarning bor-yo’qligini muntazam tekshirilishini talab qiladi. Bunda, ma’lumotlarni yig’ish, saqlash va tahlil qilish (hodisalar to’g’risidagi ma’lumotlar) nafaqat xavfsizlik, balki ish jarayonlarini optimallashtirish uchun ham muhimdir, chunki to’plangan ma’lumotlar asosida terminal parkining egasi biznesni keyinchalik yanada rivojlantirish strategiyasini rejalashtirishi mumkin.

Avtomatlashtirish va tahlil vositalarini joriy etish orqali turli manbalardan to’plangan ma’lumotlarni markazlashtirish xizmat ko’rsatuvchi tashkilot ishining yuqori sifatini, allaqachon mavjud bo’lgan biznes-jarayonlarni hisobga olgan holda operatsion vazifalarni axborot bilan qo’llab quvvatlashni va buning natijasida butun o’z-o’ziga xizmat ko’rsatish qurilmalari parkining mavjudligini eng yuqori (yoki maqsadli) ko’rsatkichlarga erishishini ta’minlaydi.