კლიენტების მომსახურების ოპტიმიზაცია საცალო ვაჭრობის სფეროში

ანალიტიკოსების პროგნოზებით უახლოეს 10 წელიწადში ტრადიციული საცალო ვაჭრობა გახდება ბიზნესის ერთ-ერთი ყველაზე სწრაფად ცვლადი სფერო. ონლაინ-კონკურენტების სწრაფი შემოსვლა ბაზარზე, ახალი სავაჭრო ფორმატების და ანაზღაურების საშუალებების გაჩენა და ასევე ახალი აქტიურად განვითარებადი ბაზრები მოითხოვენ რითეილერებისგან მუდმივ მონიტორინგს, შეფასებას, და საჭიროების შემთხვევაში, ბიზნეს-სტრატეგიების გადახედვას. სწორედ ამიტომ, დღეს ბაზრის ფლაგმანები აქცენტირებენ ბიზნესის მოქნილობასა და ადაპტირებულობაზე. სავაჭრო ქსელების წარმატებული განვითარების საწინდარი ხდება არამარტო ბაზრის დინამიკის გააზრების და წინასწარი განჭვრეტის უნარი, არამედ საკუთარი ბიზნესის სწრაფი ადაპტირების უნარი ბაზრის ცვლადი მოთხოვნების თანახმად.

ამავე დროს,საცალო ორგანიზაციების მთავარი ორიენტირი განვითარების სტრატეგიის არჩევისას ხდება მყიდველი მისი ინტერესებისა და უპირატესობებიდან გამომდინარე, სავაჭრო ქსელი ირჩევს, სად გაიხსნას ახალი მაღაზიები, როგორ მოეწყოს ისინი, რა საქონელი დაიდოს დახლებზე, როგორ იქნას მიღებული ანაზრაურება და განხორციელდეს მიწოდება და ასევე ის, რა დამატებითი მომსახურება იქნას შეთავაზებული მომხმარებლისთვის. ყველა ეს ფაქტორი მოქმედებს მყიდველის დადებითი გამოცდილების ჩამოყალიბებაზე, რომელიც Shep Hykenგამოკვლევების თანახმად, ხდება გადამწყვეტი საკითხში გააგრძელებს თუ არა მომხმარებელი ბრენდთან ურთიერთობას.

იმისთვის რომ შეესაბამებოდნენ მყიდველის მოლოდინებს, სავაჭრო ქსელები აქტიურად ინვესტირებენ ახალი ტექნოლოგიური ლანდშაფტის შექმნაში, თვითმომსახურების არხის განვითარებაზე აქცენტირებით. ისეთი გადაწყვეტილებების გამოყენება, როგორიც არის თვითმომსახურების სალაროები და მობილური აპლიკაციები საქონლის დამოუკიდებელი სკანირებისთვის აძლევს სავაჭრო ორგანიზაციას არამარტო კლიენტების მომსახურების ოპტიმიზაციის პროცესების საშუალებას, არამედ უზრუნველყონ მისთვის ოპტიმალური გამოცდილება, რითაც ზრდიან ლოიალობას ბრენდის მიმართ და იზიდავენ ახალ მყიდველებს.