ტექნოლოგიური მოწყობილობების მომსახურების ღირებულების შემცირება

სატერმინალო ქსელის მფლობელისთვის ერთ-ერთი მნიშვნელოვანი ხარჯი ტერმინალების გამართულად მუშაობის უზრუნველყოფაა. მოწყობილობების ექსპლუატაცია მოითხოვს მათ რეგულარულ ტექნიკურ მომსახურებასა და ცალკეული კომპონენტების ჩანაცვლებას. ამავდროულად, ნებისმიერი, თუნდაც ხანმოკლე შეფერხება მომსახურებაში — დროული შეკეთების ან მომსახურების დაგვიანების გამო — ფინანსური ორგანიზაციისთვის პირდაპირი ფინანსური და რეპუტაციული ზიანის რისკს უაკვშირდება.

როგორც წესი, სერვისის მომწოდებელი კომპანია (ან ფინანსური ორგანიზაციის შესაბამისი ქვედანაყოფი) ვერ ახდენს გავლენას სახარჯი მასალებისა და სათადარიგო ნაწილების ღირებულებაზე. თუმცა, მათი რაოდენობის ოპტიმიზაცია საწყობში, ასევე სერვისული სამუშაოების ეფექტური დაგეგმვა, საშუალებას იძლევა მნიშვნელოვნად შემცირდეს მომსახურების ჯამური ღირებულება და გაიზარდოს ტერმინალების ხელმისაწვდომობის მაჩვენებლები.

სპეციალიზებული პროგრამული უზრუნველყოფა სერვისული მომსახურების ორგანიზებისთვის უზრუნველყოფს მოწყობილობების ტექნიკური მომსახურებისა და შეკეთების პროცესის ეფექტიან მართვას. ის ასევე ამარტივებს სერვისის დაგეგმვას, მაკომპლექტებელი და სახარჯი მასალების შესყიდვის პროცესს, სათადარიგო ნაწილების საწყობის მართვას და სხვა დაკავშირებული ამოცანების შესრულებას.