Өзүн-өзү тейлөө жабдыктарын трансформациялоо

Биз эмнелерди сунуштайбыз

Өзүн-өзү тейлөө жабдыктарына кошумча функцияларды киргизүү.

Кошумча функцияларды киргизүү (мисалы, төлөмдөрдү кабыл алуу, эсепти толуктоо же валютаны алмаштыруу) терминалдык жабдыктарды банктын кардарларын толук кандуу автоматташтырылган тейлөө түйүндөрүнө айлантат.

QR-код аркылуу авторизацияны ишке ашыруу.

Кардардын терминалында же уюлдук жабдыгында статикалык же динамикалык QR-кодду окуу аркылуу операцияларды баштоо жана тастыктоо (накталай акча алуу, төлөмдөрдү жүргүзүү ж.б.) колдонуучуларды тейлөөнү тездетүүгө мүмкүнчүлүк берет.

Контаксыз авторизацияны киргизүү (NFC технологиялары).

Өзүн-өзү тейлөө жабдыктарында операцияларды жүргүзүүдө контактсыз авторизация үчүн NFC-технологиясын колдонуу колдонуучулардын убактысын үнөмдөп, төлөө ыкмаларын тандоо үчүн кеңири мүмкүнчүлүктөрдү берет.

Биометрикалык технологияларды киргизүү.

Биометрикалык авторизация колдонуучунун төлөм терминалынын функцияларына кирүүсүн тастыктаган негизги жана кошумча фактор болушу мүмкүн. Ал жогорку тактык менен колдонуучуну текшерүүнү жүзөгө ашырууга мүмкүнчүлүк берет, аутентификация маалыматтарынын үчүнчү жактарга өткөрүлүүсүнө жол бербейт, банкоматты колдонууну жөнөкөй жана ыңгайлуу кылат.

Ар кандай алгоритмдерге ылайык жарнамаларды көрсөтүү мүмкүнчүлүгү

Товарларды жана кызматтарды жайылтуу үчүн каржы уюмунун же чекене бизнес ишканасынын кардар менен өз ара аракеттенүү түйүнүнө өзүн-өзү тейлөө жабдыгын трансформациялоо жалпыланган жана жекелештирилген жарнама кампанияларын ишке ашыруу аркылуу кардарлардын лоялдуулугун бекемдейт.

Сценарийлерди жана иштөө интерфейсин иштеп чыгуу жана даярдоо

Колдонуучунун өзүн-өзү тейлөө жабдыгы менен өз ара аракеттенүүсүнүн жаңы сценарийлерин иштеп чыгуу жана ишке ашыруу терминалды колдонуунун ыңгайлуулугун жана операцияларды жүргүзүүнүн ылдамдыгын жогорулатат, ошондой эле колдонуучунун тажрыйбасын санариптик тейлөө каналдарынын стандарттарына жакындатат.

Өзгөчө муктаждыктары бар адамдар үчүн жабдыктарды ылайыкташтыруу

Өзүн-өзү тейлөө жабдыктарын көрүү мүмкүнчүлүгү чектелген адамдар үчүн ылайыкташтырууга болот: бул үчүн атайын контрасттык экрандарды камсыз кылган жана терминалда жасалган иш-аракеттерди үн менен айтып турууга мүмкүнчүлүк берген терминалдардын иштөө сценарийлери киргизилет. Кызматтын бул түрүнө коляскада жүргөн адамдар үчүн кошумча пандустарды жана башка курулуштарды орнотуу кирет.

Кошумча перифериялык жабдыктарды орнотуу

Өзүн-өзү тейлөө жабдыктарынын функционалдуулугун кеңейтүү, пайдалануунун ыңгайлуулугун жана коопсуздугун жогорулатуу үчүн кошумча перифериялык жабдууларды (тыйындар үчүн топтогучтар, дезинфекторлор, интерактивдүү маалыматтык экрандар, коргоочу калканчылар жана жапкычтар, терминалдарды физикалык кол салуудан коргоочу каражаттар ж.б.) орнотуу жүргүзүлүшү мүмкүн.

Жабдыктын корпусун бренддөө

Кардардын талаптарына ылайык терминалдын корпусунун дизайнын иштеп чыгуу жана жасалгалоо өзүн-өзү тейлөө жабдыктарына буйрутма бергенде да (заводдук чогултуу баскычында) жана аларды иштетүү учурунда да аткарылышы мүмкүн.