Bankomatlara fiziki hücumlar

Dünyanın əksəriyyət ölkələrində bankomatlara hücumun ən geniş yayılmış növü özünəxidmət qurğuları ilə fiziki manipulyasiya qalır: bankomatın və ya onun seyfinin sındırılması, mişarlanması, terminalın özünün öğurlanması və s. Bu zaman, hətta uyğursuzluq hallarında belə çox bahalı olan bank avadanlığına böyük zərər vurulur, bu sə bir neçə gün və hətta həftə ərzində onun istismarını qeyri-mümkün edir.

Videomüşahidə platformasının tətbiqi videokameraların, xüsusi sensor dəstlərinin (qaz, temperatur, hərəkət datçikləri) və bankomatlarda skimminq qurğularının quraşdırılmasına mane olan antiskimmerlərin köməkliyi ilə bankomatdan bilavasitə yaxın məsafədə törədilən bütün şübhəli hərəkətlər haqqında məlumatları əldə etməyə imkan yaradır.

Bankomatlara məntiqi hücum (cekpottinq və s.)

Məntiqi hücumların töədilməsi üçün cinayətkarlar bankomatın kompüterinə terminallarda olan nağd pulların verilməsinə təşəbbüs edən xüsusi zərərverici proqram təminatı quraşdırırlar. Həmin PT məsafədən və ya bəzi fiziki manipulyaiyadan sonra özünəxidmət qurğusuna birbaşa qoşulan xarici məlumat toplayıcısı vasitəsilə quraşdırılır.

Xidmət qurğularının məntiqi hücumlardan müdafiəsi üçün bankomatın kompüterində saxlanan və onun tərəfindən ötürülən məlumatları şifrələməyə imkan verən xüsusi proqram həllərindən, həmçinin terminallarda avtomatlaşdırılmamış proqramların və proseslərin işə salınmasını dayandıran PT istifadə olunur.

Şəxsi məlumatların oğurlanması (skimminq, şimminq, trappinq)

Şəxsi məlumatların oğurlanması üçün cinayətkarlar bankomatın kartriderinə, klaviaturasına və ya dispenserinə quraşdırılan xüsusi qurğulardan istifadə edirlər: skimmerlər, şimmerlər, kartlar və nağd pullar üçün tələlər və s. Skimmerlər tranzaksiya zamanı maqnit zolaqlarla kartların məlumatlarını oxuyurlar, şimmerlər – çipdə yazılan məlumatları oxuyurlar. İnformasiya oğurluğu krtın dublikatının yaradılması üçün istifadə olunur.

Terminallarla bağlı daha bir dələduzluq növü – trappinqdir. Cinayətkarlar qabaqcadan kartriderə xüsusi ilgək-tələ (card-trapping) quraşdıraraq kartı ələ keçirirlər, və ya nağd pul dispenserinə belə tələni quraşdıraraq, nağd pulları oğurlayırlar (crash-trapping).

Özünəxidmət bank qurğularının istehsalçıları terminalları istifadəçilərin kartlarından şəxsi məlumatların oğurlanmasınamane olan xüsusi qurğularla təchiz edirlər (antiskimmerlər və s.), həmçinin simsiz məlumat ötürmə texnologiyalarını aktiv inkişaf və tətbiq edirlər. Autentifikasiya zamanı əlavə təhlükəsizlik tədbirlərini həmçinin ixtiaslaşdırılçışproqram həlləri, o cümlədən kompleks videomüşahidə sistemləri təmin edirlər.