Қаржы секторына арналған биометриялық технологиялар

Дүние жүзінде биометриялық технологиялардың танымалдығы жыл санап артып келеді. Талдаушылардың болжамдарына сәйкес, биометриялық жүйелердің әлемдік нарығы 2016 жылы $2 359,7 млн-нан 2025 жылы $15 145,5 млн-ға дейін өседі. Биометрия үкімет және қаржы саласында, қорғаныс, денсаулық сақтау және ритейлде ең көп сұранысқа ие. Бұл ретте, FindBiometrics агенттігінің болжамдары бойынша, алдағы жылдары биометриялық жүйелердің нарығы дәл осы коммерциялық сегментте барынша белсенді дамитын болады.

Бұдан бірнеше жыл бұрын жаңа клиенттерді тарту үшін банктерге арзандау өнімдер мен қызметтерді ұсыну жеткілікті болды. Бүгінде жағдай жылдам өзгеруде, пайдаланушылар жайлылық пен сенімділікке басымдық береді. Клиентке бағдарлану тұжырымдамасын іске асыру үшін қажетті маңызды құралдардың бірі қаржылық операциялар қауіпсіздігінің тиісті деңгейін қамтамасыз етуге ғана емес, сондай-ақ дәстүрлі бөлімшелерде де, қашықтан қызмет көрсету арналары арқылы да клиенттерге қызмет көрсету процесін жеделдетуге мүмкіндік беретін биометриялық технологиялар болып табылады.

Қаржы саласында қолданылатын биометриялық мәліметтердің ең көп таралған түрлеріне бет бейнесі, саусақ іздері, қол геометриясы және көздің сыртқы мөлдір қабығының суреті жатады. Бұл деректер клиенттерді онлайн-банкингте сәйкестендіру үшін, өзіне-өзі қызмет көрсету құрылғыларында және банк бөлімшелерінде қаржылық қызметтерге қол жеткізуді қамтамасыз ету кезінде, сондай-ақ банк ұяшықтарына қол жеткізуді қамтамасыз ету үшін пайдаланылуы мүмкін. Банк саласындағы ең танымалы PIN-кодты немесе біржолғы құпиясөзді және биометрияны пайдалана отырып, деректер қауіпсіздігінің ең жоғары деңгейін қамтамасыз етуге және оларға қол жеткізуді бақылауға мүмкіндік беретін екі факторлы сәйкестендіру болып табылады.