Payments.iQ

Өзіне-өзі қызмет көрсету құрылғыларының функционалдылығын кеңейту

Payments.iQ мынадай жаңа қызметтерді қосу есебінен банктің өзіне-өзі қызмет көрсету құрылғыларының (банкоматтардың, төлем дүңгіршектерінің және т.б.) функционалдылығын кеңейтуге мүмкіндік береді:

• қызметтер мен тауарлардың ақысын төлеу;
• банктік шоттарды толықтыру;
• ақша қаражатын аудару;
• билеттерді сатып алу;
• үшінші тараптардың өнімдерін сатып алу (сақтандыру қызметтері, бензин құю колонкаларының карталары және т.б.);
• басқа операциялар.

Сыртқы жүйелермен интеграциялау

Шешім банктер мен процессинг орталықтарының бұрыннан бар жүйелеріне интеграциялануы мүмкін. Payments.iQ енгізілгеннен кейін ұйымдар қызмет көрсетудің басқа арналары (интернет-банкинг, мобильді банкинг және т.б.) арқылы ұсынатын қызметтер мен өнімдер терминал құрылғыларында да қолжетімді болады.

Қызметтерді қарапайым қосу және тарифтерді өзгерту

Жүйеге қызмет көрсету алымдарының әртүрлі түрлері мен мөлшерін белгілеу мүмкіндігімен қызметтердің жаңа жеткізушілері мен төлемдерді жүргізу сценарийлері қосылуы мүмкін.

Төлеушіні сәйкестендіру

Жүйе төлеушіні сәйкестендірудің әртүрлі түрлерін: банк картасы, төлеушінің нөмірі, есеп айырысу кітапшасының нөмірі, телефон нөмірі, сервистік немесе несие шартының нөмірі, ID-карта, биометриялық деректер (саусақ ізі, адамның бет жүзін тану және т.б.) бойынша сәйкестендіруді қолданады.

Әртүрлі ақы төлеу тәсілдері

Шешім төлемдерді әртүрлі тәсілдермен: қолма-қол ақшамен, төлем карталарымен, мобильді құрылғылардың көмегімен, сондай-ақ қаражатты шоттан аудару арқылы жүзеге асыруға мүмкіндік береді. Бұл төлеушілерге төлем құралдарын таңдауда ұтқырлықты қамтамасыз етеді, олардың бейілділігін арттырады.

Пайдаланушылардың рөлдері мен құқықтарының икемді жүйесі

Шешім аясында операциялар мониторингі және жүйеге қызмет көрсету бойынша түрлі қызметтерді орындайтын пайдаланушылардың алдын ала белгіленген топтары бар: әкімші, оператор, технолог. Олардың жүйеге кіру құқықтары рөлдерге сәйкес бөлінген және қаржы ұйымының қажеттіліктеріне сәйкес түзетілуі мүмкін.

Терминал жабдығын мониторингілеу

Жүйе өзіне-өзі қызмет көрсету желісінің әрбір құрылғысының техникалық жай-күйін қадағалауға мүмкіндік береді: купюраны қабылдағыштың толу деңгейі, түбіртектерді басып шығаруға арналған қағаздың болуы, датчиктердің жұмысы және т.б.

Транзакцияларды мониторингілеу

Нақты уақыт режимінде жүйе төлем транзакцияларының өтуін қадағалайды, түрлі параметрлер мен сұраулар негізінде жүргізілген операциялар бойынша есептерді автоматты түрде қалыптастырады.

Бисзнес-талдау жүйелерімен интеграциялау

Шешім нақты уақыт режимінде әрбір нақты құрылғыдағы транзакциялар бойынша аналитикалық деректерді жинауға, төлем операцияларының әртүрлі параметрлері бойынша есептерді қалыптастыруға мүмкіндік береді. Мұның барлығы терминал желісінің операторы үшін қандай қызметтің қаншалықты тиімді екенін бағалауға, комиссияның оңтайлы мөлшерін белгілеуге, белгілі бір жерде орнатылған терминалдың қажеттілігін, сондай-ақ оның өтелу мерзімін есептеуге мүмкіндік береді.

Инкассация режимін қолдау

Жүйе инкассаторларды сәйкестендірудің әртүрлі түрлерін қолданады. Инкассация аяқталғаннан кейін процедура бойынша барлық деректер Payments.iQ серверіне жолданады.