Өзүн-өзү тейлөө жабдыктарынын ишине мониторинг

Өзүн-өзү тейлөө жабдыктарынын токтоп калган ар бир мүнөтү банк үчүн каржылык жана абройлук жоготуулар дегенди билдирет. Реалдуу убакыт режиминде терминалдардын ишине комплекстүү мониторинг терминалдык тармакты жетектөөнүн жана тейлөөнүн баасын кыйла азайтат, терминалдардын катып иштебей калуу убактысын азайтат, өз убагында ар кандай техникалык көйгөйлөрдү аныктоого, жоюуга жана чечүүгө жардам берет. Мунун бардыгы каржы уюмуна иштин натыйжалуулугун жана өзүн-өзү тейлөөчү жабдыктар тармагынын рентабелдүүлүгүн арттырууга мүмкүнчүлүк берет.

Терминалдардын программалык камсыздоосун автоматтуу башкаруу

Банкомат иштебей калган сайын же тигил же бул себептен улам бузулуп калганда, терминалдык тармактын ээси бузулуунун себебин аныктоо жана жоюу үчүн жабдыкка сервистик кызматкерлерди жиберүүгө мажбур.

Атайын ПК өзүн-өзү тейлөө жабдыктарынын ишин аралыктан текшерүүгө гана эмес, жабдыктардын белгилүү бир тобу үчүн жаңылоо топтомдорун пландоого жана дароо иштетип баштоого, керектүү жагдайда терминалдарды өчүрүп кайра жандырууга мүмкүнчүлүк берет. Ошондой эле, ал программалык камсыздоонун ишине байланыштуу кырдаалдардын пайда болуу себептерин табууга жана аларды аралыктан чечүүгө мүмкүнчүлүк берет, бул жабдыктарды сервистик тейлөө үчүн чыгымдарды кыйла азайтат.

Өзүн-өзү тейлөө жабдыктарынын коопсуздугу

Банкоматтар жана банктын башка өзүн-өзү тейлөө жабдыктары алдамчыларды жана ниети бузук адамдарды кызыктырбай койбойт. Банкоматтарга логикалык жана жеке кол салуулардын саны жыл өткөн сайын өсүүдө, банктар өзүнүн терминалдык тармактарынын коопсуздугун камсыздоо үчүн чоң өлчөмдө ресурстарды коротууга мажбур болууда.

Реалдуу убакыт режиминде өзүн-өзү тейлөө жабдыктарынын абалына мониторинг жана аралыктан алардын ишин башкаруу терминалдардын жогорку деңгээлдеги коопсуздугун камсыздайт, бир катар алдамчылык иш-аракеттерден сактайт. Ошентип, атайын ПК терминалдарда вируска каршы ПКну аралыктан орнотууга жана жаңылоого гана эмес, ошондой эле кол салуу коркунучунда терминалды белгилүү сценарий боюнча өчүрүүгө мүмкүнчүлүк берет.

Терминалдык жабдыктар паркын тейлөө

PCI DSS төлөм карталарынын индустриясынын маалыматтар коопсуздугу стандарты окуялардын электрондук журналдары (logs) кемчиликтердин же күмөндүү учурлардын болуп болбогону боюнча катталып, сакталып жана дайыма текшерилип турушу керек деп талап кылат. Мында маалыматтарды (учурлар тууралуу маалымат) топтоо, сактоо жана талдоо коопсуздук үчүн гана эмес, иш процесстерин оптималдаштыруу үчүн да маанилүү, анткени анын ичинде топтолгон маалыматтардын негизинде терминалдык парктын ээси бизнести андан ары өнүктүрүү стратегиясын пландай алат.

Автоматизацияны ишке киргизүү аркылуу ар кандай булактардан жана талдоо каражаттарынан топтолгон маалыматтарды борборлоштуруу сервистик уюмдун жогору сапаттагы ишин, учурда бар болгон бизнес процесстерди эске алуу менен операциялык тапшырмаларды маалыматтык колдоону камсыздай алат – натыйжада өзүн-өзү тейлөө жабдыктарынын бүтүндөй паркынын жеткиликтүүлүгү боюнча жогорку (максаттуу) көрсөткүчтөргө жетүүгө мүмкүнчүлүк берет.