GEსაქართველოს ელექტრონული გადახდების განვითარების კლუბმა, ბს/2 ჯორჯია 15 წლიანი წარმატებული პარტნიორობისთვის დააჯილდოვა.
კონფერენცია შედგებოდა ორი ძირითადი ნაწილისგან: პირველი ნაწილი – მისალმება და პრეზენტაციები, მეორე ნაწილი – პანელური დისკუსია. აღსანიშნავია, რომ ბს/2 ჯორჯიას სახელით სიტყვით გამოვიდა პროდუქტის განვითარების დეპარტამენტის ხელმძღვანელი ირაკლი კარიაული და ისაუბრა კომპანიის ინოვაციურ გადაწყვეტილებებზე, რომელსაც დიდი როლი უკავია თანამედროვე, ელექტრონულ საგადახდო პროცესებში.
დღის განმავლობაში მონაწილეებს საშუალება ქონდათ სადემონსტრაციო სტენდებზე გაცნობოდნენ საგადახდო სერვისების მომწოდებელთა სიახლეებს და განეხილათ აქტუალური საკითხები დარგის სპეციალისტებთან.
„ბს/2 არის კომპანია, რომელთანაც დიდწილად არის დაკავშირებული საბარათე და გადახდების განვითარების ბიზნესი. პირველი საერთაშორისო უკონტაქტო განაღდებები საქართველოში ბანკომატებიდან სწორედ ბს/2-მა განახორციელა. დიდი მადლობა თქვენ ამ განვითარებისა და პროგრესისთვის, რასაც ქმნით და შემოგაქვთ ჩვენს ქვეყანაში“ აღნიშნა მაია ხელაძემ.
ბს/2 ჯორჯიას დირექტორი, ემილიო კირისი, მადლობას უხდის საქართველოს ელექტრონული გადახდების განვითარების კლუბს მიღებული ჯილდოსთვის და აღნიშნავს, რომ „გადახდების კლუბის როლი უმნიშნელოვანესია საქართველოს გადახდების ბაზრის განვითარებისთვის. კლუბი ეხმარება ბაზრის მოთამაშეებს და ექსპერტებს გაუზიარონ ცოდნა და საკუთარი გამოცდილება ერთმანეთს, რაც საბოლოო ჯამში თანამედროვე სერვისების და ტექნოლოგიების განვითარებას ემსახურება“.
საქართველოს ელექტრონული გადახდების განვითარების კლუბი 2018 წელს შეიქმნა ბაზრის მოთამაშეთა მიერ არჩეული 7 დამფუძნებლის მონაწილეობით. კლუბი წარმოადგენს არამომგებიან ორგანიზაციას და მისი ძირითადი მიზანია უნაღდო ანგარიშსწორების განვითარება საქართველოში. კლუბი, ყოველწლიურად მართავს გადახდების დღისადმი მიძღვნილ ღონისძიებას, სადაც დარგის სპეციალისტებს საშუალება ეძლევათ გაეცნონ მიმდინარე სიახლეებს, ჩამოაყალიბონ პარტნიორული ურთიერთობები და გაუზიარონ მიღებული გამოცდილება ერთმანეთს.
News in English
Новости по-русски
Naujienos lietuviškai