BS/2 და ASHBURN International-ის გადაწყვეტილებები GITEX GLOBAL 2024-ზე – პარტნიორობის ახალი ეტაპი SUNMI Corporation-თან.

BS/2-მა  და  ASHBURN International-მა, რომელიც Penki Kontinentai Group-ის წევრია, მონაწილეობა მიიღეს უმსხვილეს საერთაშორისო ღონისძიებაში — ” GITEX GLOBAL 2024“. ღონისძიება 2024 წლის 14-18 ოქტომბერს გაიმართა დუბაიში, არაბთა გაერთიანებულ საამიროებში. BS/2 და ASHBURN International მონაწილეობდნენ, როგორც ტექნოლოგიური პარტნიორები და პირველად წარადგინეს TransLink.iQ პროგრამული გადაწყვეტა SUNMI-ს სტენდზე.

GITEX GLOBAL ტექნოლოგიური სამყაროს ერთ-ერთი უმსხვილესი და უმნიშვნელოვანესი ღონისძიებაა, რომელიც იდეების გაცვლისა და თანამშრომლობის პლატფორმას წარმოადგენს. წელს გამოფენას 180 ქვეყნიდან 6,700-ზე მეტი მონაწილე ესწრებოდა და ჩვენი დროის  ყველაზე მოწინავე ინოვაციებსა და ტექნოლოგიებს წარადგენდნენ. ღონისძიება მოიცავდა ისეთ მნიშვნელოვან სფეროებს, როგორიცაა ფინტექი, საცალო ვაჭრობა, ხელოვნური ინტელექტი და კიბერუსაფრთხოება. GITEX GLOBAL 2024-ის ფარგლებში წარმოდგენილი იყო 41 პავილიონი, ახალი ტექნოლოგიური გადაწყვეტილებებით, რომლებიც ინდუსტრიების ტრანსფორმაციას შეუწყობს ხელს.

ღონისძიების მასშტაბმა BS/2-ისა და ASHBURN International-ის წარმომადგენლებს საშუალება მისცა შეხვედრები გაემართათ წამყვან ტექნოლოგიური მოწყობილობების მწარმოებლებთან, რამაც მნიშვნელოვნად გააფართოვა მათი პარტნიორული კავშირები და შესაძლებლობა მისცა განეხილათ თავიანთი ინოვაციური გადაწყვეტილებების  დანერგვის პერსპექტივები გლობალურ ბაზარზე.

BS/2 GITEX GLOBAL-ზე: საქმიანი შეხვედრები და ცოდნის გაზიარება

BS/2-ის დელეგაციიდან, GITEX GLOBAL-ზე ტოპ მენეჯერებმა გამართეს რიგი ინდივიდუალური პრეზენტაციები და წარადგინეს SUNMI-ს აღჭურვილობა და გადაწყვეტილებები კლიენტებისა და პარტნიორებისთვის.

„GITEX GLOBAL 2024 არის უნიკალური პლატფორმა, რომელიც გვაძლევს შესაძლებლობას, არა მხოლოდ გავაფართოოთ ჩვენი კავშირები წამყვან ტექნოლოგიურ კომპანიებთან, არამედ ჩვენს პარტნიორებს გავაცნოთ BS/2-ისა და ASHBURN International-ის ინოვაციური გადაწყვეტილებები. ეს ღონისძიება არის მნიშვნელოვანი ნაბიჯი ჩვენი კომპანიის განვითარებისათვის, რაც საშუალებას გვაძლევს გავაძლიეროთ ჩვენი პოზიციები გლობალურ ბაზარზე, განვავითაროთ ახალი პროექტები და გავზარდოთ ჩვენი ოპერირების არეალი საერთაშორისო მასშტაბით.” განაცხადა BS/2 Georgia-ს დირექტორმა ემილიო კირისმა

SUNMI-ს სტენდი GITEX-ზე: მოწინავე გადაწყვეტილებები და ინტეგრაცია TransLink.iQ-თან

GITEX GLOBAL-ზე SUNMI-მ წარადგინა უახლესი ტექნოლოგიები, რომელიც მიმართულია ბიზნესის ციფრულ ტრანსფორმაციაზე და ავტომატიზაციის პროცესზე. ასევე, წარადგინეს ახალი მოდელები, როგორიცაა SUNMI P3, SUNMI P3H და SUNMI P3K, ასევე SUNMI V3 და SUNMI D3 MINI. განსაკუთრებული ყურადღება გამახვილდა მესამე თაობის პროდუქტებზე, რომლებიც უზრუნველყოფენ მოწინავე საგადასახადო გადაწყვეტილებებს და აუმჯობესებენ საოპერაციო პროცესებს. ვიზიტორებს ასევე ჰქონდათ შესაძლებლობა,  SUNMI Home & Lab-ის დემონსტრაციის დროს, გაცნობოდნენ ფუტურისტულ კონცეფციებს.

GITEX GLOBAL-ზე პირველად, ASHBURN International-მა წარადგინა დეტალური პრეზენტაცია SUNMI-ის მოწყობილობებთან TransLink.iQ-ს ინტეგრაციის შესაძლებლობების შესახებ. პროგრამული გადაწყვეტის დემონსტრირება გაიმართა SUNMI-ს სტენდზე. თანამშრომლობის ახალ დონეზე გადასვლა შესაძლებელი გახდა BS/2-ისა და ASHBURN International-ის წარმომადგენლების ვიზიტის შემდეგ SUNMI-ის სათაო ოფისში, შანხაიში, 2024 წლის მაისში. შეხვედრის შედეგად გაფორმდა სტრატეგიული პარტნიორობის შეთანხმება ჩინურ კორპორაციასა და Penki Kontinentai Group-ს შორის.

TransLink.iQ არის გადაწყვეტილება, რომელიც განკუთვნილია ტრანზაქციების მართვისა და მონიტორინგისთვის რეალურ დროში. SUNMI-ს ტერმინალებთან ინტეგრაციის საშუალებით, ეს ინოვაციური პროდუქტი მომხმარებლებს სთავაზობს ხელსაწყოებს ბიზნეს პროცესების ავტომატიზაციისა და საგადასახადო პროცესების ეფექტურობის გაზრდისთვის. გადაწყვეტის დემონსტრირება გაიმართა სტენდზე, რამაც ვიზიტორებს ფუნქციონალზე სრული გამოცდილების მიღების შესაძლებლობა მისცა.

სტრატეგიული შეხვედრები პარტნიორებთან GITEX-ზე

GITEX GLOBAL 2024-ის ვიზიტის ფარგლებში გაიმართა შეხვედრები BS/2-ის სტრატეგიულ პარტნიორებთან — SUNMI და Magner. განხილვები მოიცავდა მომავალი თანამშრომლობის მიმართულებებს და ახალ ერთობლივ პროექტებს. გარდა ამისა, კონსტრუქციული მოლაპარაკებები გაიმართა ბანკების და საცალო ვაჭრობის აღჭურვილობის წამყვან გლობალურ მწარმოებლებთან, როგორიცაა Julong, YUTING, Datalogic, Zebra, Newland და სხვა მრავალი.

BS/2-ის და ASHBURN International-ის წარმომადგენლებმა მიიღეს მონაწილეობა SUNMI Partners კონფერენციაში. ეს ფორუმი ახალი თანამშრომლობის ჩამოყალიბების, სტრატეგიების დასახვის და ახალი შესაძლებლობების განხილვის მნიშვნელოვანი პლატფორმა გახდა.