Cash-In Box.iQ қолма-қол ақша депозитін оңтайландыруға арналған шешім

Депозитке салынған қаражатты дереу шотқа аудару

Cash-In Box.iQ шешімін пайдалана отырып енгізілген қаражат автоматты түрде шотқа аударылған болып есептеледі, бұл депозиторды қолма-қол ақшаны одан әрі сақтауға немесе тасымалдауға байланысты жауапкершіліктен толығымен босатады. Сондай-ақ, бұл есептеу үшін осы құралдарды дереу пайдалануға мүмкіндік береді.

Депозиторды сәйкестендіру үшін кең мүмкіндіктер

Шешім операциялық қателіктер тәуекелін барынша азайтуға және қаражатты салу операцияларын жүргізу үшін талап етілетін уақытты қысқартуға мүмкіндік бере отырып, депозиторды әртүрлі тәсілдермен (клиенттің коды, жеке құжаттардың нөмірі, биометриялық деректер және т.б. бойынша) сәйкестендіруге мүмкіндік береді.

Пайдалану қарапайымдылығы мен сенімділігі

Депозиттік машинаның қаражатты қайта есептеу, валидациялау және шотқа салу бойынша операцияларды оңай жүргізуге мүмкіндік беретін ыңғайлы интуитивті түсінікті пайдаланушылық интерфейсі бар. Бұл, әсіресе қаражатты осындай өзіне-өзі қызмет көрсету құрылғыларымен жұмыс істеу тәжірибесі жоқ жеке тұлғалар (жеке кәсіпкерлер және банктердің басқа клиенттері) салған кезде өте маңызды.

Қаражатты салу кезіндегі икемділігі

Депозитор кезектер мен басқа да қолайсыздықтарға кезікпей депозит салу үшін барынша қолайлы орын мен уақытты таңдай алады. Сауда нүктелерінің өкілдеріне кассалық күнді жабу кестесін инкассация қызметінің жұмыс режиміне сәйкес келтіруге қажет болмайды.

Ақша қаражаттарын сақтау қауіпсіздігі

Құрылғы купюраларды қайта есептеу және валидациялау үшін сенімді құралдармен жабдықталған, бұл жалған ақша қаражатын қабылдауға жол бермейді. Арнайы механизмдер сақтау және инкассациялау кезінде қолма-қол ақшаның қауіпсіздігін қамтамасыз етеді.

Үлкен сыйымдылық

Өзіне-өзі қызмет көрсету құрылғысы 17 000 купюраға дейін сақтауға мүмкіндік береді, бұл стандарт банкоматтар мен электрондық кассирлердің сыйымдылығынан едәуір жоғары. Бұл тіпті депозит жасағысы келетін адамдардың үлкен ағымына қарамастан инкассацияны жоспарлауды және ұйымдастыруды барынша икемді жүргізуге мүмкіндік береді.

Қолжемтіділікті және функционалдылықты ажырату

Шешімді пайдалану қауіпсіздігі мен қолайлылығына рұқсат беру құқықтарын басқару мүмкіндігінің есебінен қол жеткізіледі. Жүйеде бірнеше жұмыс орындары қарастырылған (оператор, инкассатор, әкімші, клиент), олардың әрқайсысымен белгілі бір қолжетімді әрекеттердің жиынтығы байланысты.

Мониторингілеудің озық құралдары

Cash-In Box.iQ құрылғылардың техникалық жай-күйіне және сақталатын қолма-қол қаражат деңгейіне қашықтан мониторинг жүргізу мүмкіндігін қамтамасыз етеді. Хабарламалар жүйесі нақты уақыт режимінде операторды қаражатты сақтау бойынша белгіленген лимиттерге қол жеткізілгені туралы хабардар етеді.

Қолайлы инкассация

Cash-In Box.iQ шешімі инкассаторлық қызметтің жұмыскерін авторландыруға және ілеспе құжаттарды автоматты түрде дайындауға мүмкіндік береді. Құрылғының өзі сейфке ыңғайлы қолжетімділікті қамтамасыз етеді және қаражатты шығарып алуды айтарлықтай жеңілдетеді.

Бизнес-талдау және есептілік

Cash-In Box.iQ техникалық және қаржылық бөліністерде өзіне-өзі қызмет көрсету құрылғыларының бүкіл желісінің жұмысы бойынша есептілікті қалыптастыруға, сондай-ақ деректерді интеграцияланған бизнес-талдау жүйелеріне немесе АБС-ке экспорттауға мүмкіндік береді.